August Ka Mahina tha aaj sham ko 5:00 Baje do ghante Tak bahut Tej Barish hui thi. Talab se medhakon ke tartarane Aur jhadiyon se jinguron ki awaaz aas pass ke area se itani tez aa rahi thi ki, jaise koi aur hai hi nahi, yahan inke alawa. Doston Hamara School Aise Jagah per hai Jahan 10 kilometre Tak koi bhi Abadi Nahin Hai isliye Jab Hawa bhi Chalti Hai to aisa lagta hai ki jarur koi hai...
Hamare school ke piche ki bayundry se sata hua ek Highway hai. Jahan per Aksar youngster ladkiyon ke sath apni gadi Mein Romance karne ke liye Aate Hain.
Raat Ke lagbhag 10 baje the, Watchman apni duty per tha Uske Hath Mein Ek Torch light aur bada sa danda aur munh me siti thi. Wo school mein Charo Taraf siti bajata hua school ke ek kinare se dusare kinare par walk karte huye apni duty de raha tha.
Duty dete huye watchmen ne us deewar ki taraf dekha jisake theek piche highway ki sadak hai. (wahan se koi boundry fand kar ander dakhil hua hai.) Phir jaise wah apna agla kadam age badhata, usaki nazar Kichad me sane juton ke nishan par padi. Un keechad me sane juton ke nisshaan dewar aur jameen par saaf dikhayi de rahe the. Watchmen jhat se samajh gaya ki jarur koi aaj dewaar phaandkar school me dakhil hua hai. Watchmen ne us nisshaan ka picha kiya to dekha wo keechad ke nisshaan sidhiyon ki taraf badh rahe the. Watchmen un kadmon ka Picha karte hue school ki Chat tak pahunch gaya Jo ki panchvi Manzil par tha.
Usne Dekha blue Jeans Aur Safed shirt mein Ek Ladka school ki boundary ke Kinare Khada Hai Aur Upar aasman ki taraf dekh raha hai aur wah Usko Awaaz dene hi wala tha tabhi ek jordaar hawa Chali aur use laga ki Uske alava Koi Aur bhi hai yahan, Achanak usne Dekha ek admi jisane apna pura shareer kale kapde(Black gown) se dhaka hua hai dheere dheere usaki taraf badh raha Hai. Watchmen ne usko awaz deni chahi tabhi achanak us kale saye ne usaki taraf dekha ki tabhi Watchmen ne Khud ko chupa liya aur dekhne Laga Ki Aakhir Ho Gaya Raha Yahan?
Wah Kale kapde se dhaka hua aadami bahut hi Dheere Dheere us ladke ki taraf Badh Raha Tha, jaise ki usne hi us ladke ko milane ke liye Bulaya ho. Wah ladka apne dono haath apni kamar par rakhe huye, kafi khushnuma aandaj me aasman ki taraf dekhe jaa raha tha. Wo kala saya us ladke ke thik piche Aakar chup chaap ruk gya. Phir wo ladka jaise hi piche palta Watchmen ne dekha Us kale kapdon se ek pair bahar nikala. Chand ki us roshani me wo khubsurat gore pair bilkul chandi ki tarah chamak rahe the. Us ladake ne uske pairon ko Bina palak jhapakaye kuch is tarah dekhane lga ki jaise usane koi khajana dekh liya ho jo use milane hi wala hai lekin isase pahle ki wah kuch samajh pata ki achanak us ladke ke Seene Par Ek jordar laat padi aur wah ladka seedha school ki chat se niche jaa gira.
Watchmen jor se chilaya oye! kuan hai wahan. tabhi us kale saye ne jhatke se usaki taraf dekha achanak ek hawa ka jordaar jhoka aya aur us tez hawa ke saath wah kala kapda hawa me ud gaya. Watchmen chilla to raha tha lekin usake munh se awaz nahi nikal pa rahi thi. Kyunki watchmen ne jo dekha us par yakeen nahi ho raha tha Us kale kapde ke udate hi wo admi bhi hawa me gayab ho gya tha.
Watchmen ne jo dekha khud par yakeen nahi kar paa raha tha. Wo bhagta hua niche aya to usane dekha ladka jameen par mara pada hai. usaki safed shirt khoon se sani hai aur sar ke piche jameen par kafi khun bikhra pada hai. usne us ladke ke haath ki nas ko chua to samajh gya wo mar gya hai
Watchmen turant bhagta hua phone ke pass gaya aur usane police ko call lagya,
dusari taraf se awaj aa rahi thi- hello"Police Station, Helloo kaun hai?"
Watchmen bol to raha tha lekin usaki awaj bahar nahi aa paa rahi thi. call disconnect ho gya. Phir usne principal ko call lagaya principal ne phone uthaya usne bola hello kaun hai?
kisase baat karni hai watchmen Ne fir se do teen bar koshish ki, Kuchh bolane ki, lekin Jab Koi Jawab Nahin Aaya to call disconnect Ho Gaya
Horror sound effect
Subah Ho Gayi morning wala security guard bahadur duty per aaya aur usne Dekha ki Gate Khula hai. Usne apni Najar School ke chron taraf daudayi. Usne Dekha Watchmen Ek Deewar ke Kone Mein sar jhuka ye Baitha Hai aur Akele hi Akele Kuchh BadBada raha hai.
Bahadur usake pass aya aur bola abe yahan kya baitha hai? Raat me jyada chadha li kya? usne Koi Jawab Nahin Diya. bahadur ne usake kandhe ko pakadkar use jo se hilaya. abe bhutani ke kitti pi li raat me?
Watchmen ne apna sar dheere dheere upar kiya uske baal bikhre hue the, aur Aakhein bhi badi badi Ho Gai thi jise dekh wo ghabra gaya, usane apni khartarnak tani huyi akhon se usaki taraf dekha aur Koi Jawab Nahin Diya bus Apna sar jhukakar hath uthakar ek Taraf ishara kiya.
Bahadur bhaag kar us taraf gya.bahadur ne Dekha ke kisi ladke ki laash niche Jameen par padi hui hai aur Charo Taraf Khoon bikhra pada hai uski Safed shirt khoon se Sani hui hai aur Sar Ke Piche Jameen par pada khun jamkar Kala ho chuka tha. usne school ki Chhat ki taraf dekha aur vah samajh gaya ki wah Jarur Upar Se Gira hai. Bahadur ne daud Kar police ko phone kiya aur principal ko bhi inform kiya.
Kuch der bad vahan per kafi bheed lag gai.Wahan per police aur ambulance bhi aa Gai aur sath mein principal aur kuch teacher bhi aa gaye.
police watchmen Ramlal se kuch puchane ki koshish kar rahi thi lekin wah Apne Sar Jhukakar baitha tha aur Pagal Ki Tarah Badbada raha tha-"wo kala saya kisi ko bhi nahi chodega. principle tum school band kar do nahi sab maroge. Haa Haa Haa sab maroge koi bhi nahi bachega. aur behosh ho gya. wahan ambulance ke saath aye ek doctor ne bola shayad inhe koi sadma lga hai inhe hospital le jana padega. use ilaaz ke liye aur lash ko portmartem ke liye ek hi ambulance me le gaye.
lagbhag 5 ghante baad hospital ke room ke bahar kuch Police wale khade the tabhi ek wardboy akar police ko btata hai sahab pateint ko hosh aa gaya hai ab aap uska bayan le sakte hain
Police wale aur ek inspector vahan room mein gaye aur enquiry shuru kar di lekin Ramlal Ne Jo bataya uspar police Walon Ko yakin Nahin hua aur bakwas maan baithe. Kuchh Dinon Tak is murder ki enquiry Chali aur bad mein suicide ghoshit kar diya Gaya aur case closed Ho Gaya.
Namaskar doston mera naam Alisha hai. Main Saint Mary College ki class 8th ki student hun. Main Class ki topper hun. ladke Mere Liye pagal rahte hain class mein jo bhi sabse pahle Aata Hai vah Meri seat paar baithana Chahta Hai Is wajah Se ladkon mein jhagada bhi ho jata hai Main Apni class mein second seat per bich wali roh mein Baithati hun.Main har kisi se bahut acche se baat karti hun isliye har ladka Mere Paas Aana chahta hai mujhse dosti karna chahta hai ladke mere pass aane ke liye Meri copy lene ka bahana dhundhte Hain lekin main kabhi kisi ko mana nahin karti hun Sabhi se acche se baat karti hun. Mere mom-dad ki bachpan me hi plane crash me maut ho gayi mujhe meri nani ne pala hi aur mujhe acche sanskar bhi diye. Bachpan Se Hi Mujhe Apne mom-dad Ka Pyar nahin mila isliye Zindagi Mein kuch adhurapan lagta hai. Main Aaj Bhi sacche Pyar Ki Talash kar rahi hoon. Mujhe Meri class ka Ek Ladka Kafi pasand hai jo bahut acche se Sabhi se baat karta hai kabhi kisi se jhagada nahin karta. Kabhi mere pass Aane Ki Koshish bhi nahin karta hai bus Chup Chup Ke Mujhe Dekha karta hai. Iska naam Rohit hai. Kabhi Jab Meri usse Baat Ho Jaati Hai To Mera to Din ban jata hai
Hum sab ek boarding school me padhate hain. Boys hostel school building se lagbhag 500 mtr li duri par hai jabki girls hostel 200mtr. Hamare girls hostel se ek Rasta Mere school building ki taraf jata hai. Hamare hostel ke theek Piche Ek Highway hai yahan per Aksar youngster apni girlfriend ke sath Romance karne Aaya Karte Hain. Hum ladkiyan Apne hostel ki khidkiyon se unhen Romance karte hue dekhte hain to Kafi maja Aata Hai. Hamare hospital mein to TV allow nahi hai aur internet bhi pahadi ilake me kuch khaas nahi chalta. Isliye unka romance Dekhkar Apna Entertainment kar lete hain.
Get 30 Days Free Trial Membership By Click Here
Us raat mujhe message aaya ki wah Mujhse Milna Chahta Hai aur usne mujhe School ki chat par Bulaya hai. Mujhe Aisa Laga wo Mujhe propose karne wala hai aur maine apni dress ka sabse mahnga aur behtareen collection pahna tha. Meri to khusi ka thikana hi nahi tha aisa lag raha tha ki jaise meri lottery nikalne wali hai. Main 10 minute me School ki Chhat per pahuch gayi.
Chandani raat thi Aasman kafi saaf hone ki wajah se tare kafi jagmaga rahe the. Main us samay bahut khush thi ki bus kuch hi der me mujhe mera pyaar milane wala hai. tabhi achanak aisa laga ki wo aa gya hai mere hothon par pyaari si muskurahat aa gayi. main jaan bujhkar usaki taraf palati nahi mujhe koi jaldbaji nahi thi. phir aisa laga ki wah mere pass aakar ruk gya hai. Maine apni akhein band ki aur usaki taraf palati hi thi ki achanak ek jordar laat mere pet par padi meri ankh khul gayi aur ek jordaar cheekh nikal gayi, main use thik se dekh bhi nahi payi jisane mujhe laat mari. aur main chat ki panchvi manjil se niche ja giri. Niche girate hi mera sar phat gya aur main on the spot wahi mar gayi. mujhe mere akhiri waqt par mere mom dad ki tangi photo yaaad aayi aur meri akhon me anshu the, agle hi pal sab khatam ho gya.
Magar jana mat doston abhi bhi bahut kuch baki hai apko batana..
Insaan ki jindagi ka sabse khubsurat waqt usaki jawani ka hota hai aur aise me jab kisi se pyaar ho jaye to wah pal aur bhi jyada khubsurat ho jata hai Lekin agar aise time par usaki maut ho jaye to usase bada shraap koi dusra nahi ho sakta. Mujhe afsos is baat ka nahi ki Jab Main Apni Jindagi Ki Sabse Khubsurat Sapnon me khoyi thi tabhi Meri Maut Ho Gai.
Mujhe afsos is baat ka hai ki jisane mujhe mara main use dekh bhi nahi payi kyunki usane khud ko kale kapde se dhaka huya tha. Main kayi mahino tak us katil ki talaash karti rahi lekin koi suraag nahi mila. phir maine ek ek karke un sab logon ko marna shuru kiya jin par mujhe shaq tha.
sabse pahla shaq mujhe prince par tha jo rohit ka khaas dost tha. wah aksar mera majak udhata tha aur mujhe torcher karne ki koshish karta tha. Wah mujhase kafi jalta isliye tha kyunki ek baar usane mujhe prapose kiya lekin maine us mana kar diya. Phir usane Rohit ke mobile se mujhe message karke Bulaya aur bad Mein ladkon ke sath group mein khada hokar mera majak banaya. Isliye maine prince ki girlfriend ke phone se message karke us usi jagah chat par bulaya aur usake bad jo hua wah kahani ki shuruaat me aap sabko pta chal hi chuka hai.
Mere Badle Ki Aag Abhi tak Shant Nahin Hui thi, Maine Prince ki girlfriend ko bhi ISI Tarah Maar Diya. Mujhe Rohit per shaq tha Kyunki Uske phone Se Hi mujhe message aaya tha isliye maine Rohit ko bhi thik usi tarah chat se girakar maar Diya. Itani sari mautein hone ki wajah se principle ko school band karna pada.
Aaj Bhi Main School, boys hostel, girls hostel school classes Mein Bhatak rahi hun aur apne Katil ko Talash kar rahi hun. Aur meri yeh talash tab Tak Jari Rahegi jab tak mujhe mera Katil Nahin Mil Jata.
Doston agar aap kisi se pyar karte hain aur usake sath apni gadi Mein Romance Karte Hain To galti se bhi mere school ke piche highway par apni girlfriend ke sath mat aa jana Nahin to Ho Na Ho Mera agla shikaar kahiein aap na hon..
Horror Sound Effect, girl screaming loud
Disclaimer:
नमस्कार दोस्तों स्वागत है आपका हिंदी हॉरर स्टोरी में हमारी कहानी काल्पनिक और सत्य घटना पर आधारित हो सकती है मगर हमारा उद्देश्य किसी की भावनाओं को ठेस पहुंचाना अथवा अंधविश्वास फैलाना नहीं बल्कि आपका एंटरटेनमेंट करना है इसलिए अगर कोई गलती हो जाये तो उसे इग्नोर करे और हमारी कहानी के साथ आगे बढ़ें धन्यवाद !
Written By
Sandeep Kumar Sunder
No comments:
Post a Comment